Radonproblema kan bli ekstra store når uran-/radiumrike bergartar blir sprengde og knuste for å planere ut byggetomta.
Bruk av pukk og massar av uran-/radiumrike bergartar til bygningsformål vil kunne føre til radonproblem. Dette bør ein vere merksam når ein flyttar massar, og når ein etablerer pukkverk.
I område med uran-/radiumrike bergartar er det også større fare for høge radonkonsentrasjonar i vatn til husstandar frå borebrønnar.
| Bergart | Aktivitetskonsentrasjon av radium-226 (Bq/kg) |
| Normal granitt | 20-120 |
| Uranrik granitt | 100-600 |
| Gneis | 20-100 |
| Dioritt | 1-10 |
| Sandstein | 5-60 |
| Kalkstein | 5-20 |
| Skifer | 10-120 |
| Alunskifer frå: | |
| - midtre kambrium | 120-600 |
| - øvre kambrium – nedre ordovicium | 600-5000 |
| Alunskiferrik jord | 100-2000 |
| Morenejord | 20-80 |
| Leire | 20-120 |
| Sand og silt | 5-25 |
Konsentrasjon av radium i nokre vanlege nordiske bergartar og lausmassar.
Å vurdere uran-/radiumrike bergartar og radonfare ved hjelp av berggrunnskart kan vere vanskeleg og krev geologisk kompetanse. Bergrunnskart aleine har liten informasjonsverdi, men kan vere nyttige til dømes saman med ei kartlegging av radon i inneluft.
Meir informasjon
Noregs geologiske undersøking har aktuelle berggrunnsgeologiske kart: