Alunskiferkart

Der det finst alunskifer, blir kommunen tilrådd å ta omsyn til radon i planarbeidet. Alunskifer finst i fylka Oslo, Akershus, Buskerud og Telemark.

Innhaldet av uran/radium i alunskifer varierer (sjå tabell under). Ulike alunskiferområde vil derfor i varierande grad vere utsette for radon, og karta tar ikkje omsyn til denne variasjonen. Karta viser også berre kor alunskiferen finst som fast fjell nær overflata.

Alunskifer finst også i djupare lag dekt av andre typar bergartar. Dessutan finst det område utanfor den avmerkte alunskiferen på kartet der fragment av alunskifer er blitt transportert og inkorporert i lausmassar og jord gjennom naturlege prosessar, særleg erosjon under og etter siste istid. Dette kan gjere det nødvendig å utvide området der ein bør ta omsyn til alunskifer og radon utover det området som er avmerkt på alunskiferkarta.

 
Alunskifer har også andre strålevern- og miljømessige utfordringar, og ved utgraving vil alunskifer i mange tilfelle bli rekna som radioaktivt avfall, sjå sida vår om Potensielt syredannende bergarter.

Meir informasjon

Norges geologiske undersøkelse (NGU) og DSA har gitt ut alunskiferkart: 

• Alunskiferkart med veiledning