Kalibrering

Kalibreringstenester

Ionisasjonskammer blir brukte som dosimeter for stråleterapi. Desse må ein kalibrere annakvart år. Storleiken absorbert dose til vatn blir tilrådd, men vi utfører også kalibreringar i kerma til luft. Strålekvalitetar for stråleterapi er kobolt-60 og CCRI-strålekvalitetar (røntgen). 
For å etablere representative dosar i konvensjonell røntgendiagnostikk blir det nytta DAP-meter. Desse blir kalibrerte i kerma areal produkt. 

Strålevernsinstrument blir kalibrerte i kerma til luft eller miljødosekvivalent. Strålekvalitetane kan vere kobolt-60, cesium-137, amerisium-241 eller ISOs røntgen-strålekvalitetar. 

Elektrometerkalibrering 

Dosimetrilaboratoriet utfører kalibrering av elektrometer. Elektrometer måler straum frå ionisasjonskammer. Kalibreringsområdet for straum er 5 pA til 50 nA.
Kalibreringa av elektrometer er sporbar til Justervesenet.

Måleoppdrag 

Personell ved SSDL kan gjere målingar ute. Det kan vere måleoppdrag i referansedosimetri, dosimetrirevisjonar og skjermingsmålingar.

Skjema for bestilling av kalibrering

Bestilling av kalibreringer sendes til Per Otto Hetland Per.Otto.Hetland@dsa.no med kopi til elisabeth.hansen@dsa.no 

Målsetting for dosimetrilaboratoriet

• DSA skal ha operative normalar for å dekke dosimetribehovet i Noreg innan stråleterapi, røntgendiagnostikk og strålevern med sporbarheit og dokumentert kvalitet. 
• Kompetansen til SSDL-personell blir halden ved like ved deltaking i nordisk dosimetrisamarbeid og møte, kurs og seminar arrangerte av EURAMET, IAEA og andre. 
• Kvaliteten i måletenestene skal oppfylle faglege og administrative krav frå MRA som blir stilte gjennom EURAMET. 
• CMC-ane skal spegle kalibreringstilbodet. 
• DSA sine normalar skal kalibrerast kvart 5. år. 
• DSA oppnår pålitelegheit til sine kalibreringer ved å samanlikne med nordiske og europeiske normalar. 
• Målsetting for usikkerheiten til normalane er gitt i oversikter over kalibrerings- og måleevna. 
• Arbeid på SSDL er kvalitetssikra etter NS-EN ISO 17025:2017.